高清睇跑馬：紅旗勇將增程勁

猪拉多纳

　　摩廐質新馬好少初出即跑谷草，但「紅旗勇將」今季於總場次556的谷草1200米卻以大熱開跑，但臨場落雨下只得第六，未能一鳴驚人；接戰於谷草同程補中，姿態輕鬆不在話下，亞軍仲係超級馬「夢仙」。「紅旗勇將」近兩戰配綁脷帶及交叉鼻箍上陣，跑落不再搶口，甚至縮落1000米亦交出不俗前速，如上仗於總場次725的谷草1000米跑第四，但出戰非擅長的黏地外，全程更居三叠冇遮檔，劣勢下仍跑近已有水準。

　　「紅旗勇將」今仗增程至勝途1200米更合發揮，頭馬應可手到拿來。

　　「四季」於總場次531初跑谷草1650米，閘前落飛下全程跑來十分淡定，若非出閘反應欠佳，又或者步速偏慢後追蝕底，肯定不會只跑梗頸四。既然進度理想兼搵啱出路，之後兩戰同程共得冠季各一，其中一次排十檔，另一次排十二檔，而且均要負重磅，絕對稱得上是高難度之作。

　　之後「四季」未有合適賽程，幕後唯有安排跑田戰，強手林立兼跑黏地，但走勢依然對辦；上仗牠改爭泥地賽卻無端端留後，表現令人眼冤，今次續配主帥兼增程至1800米，排得一檔形勢大好，隨時可食尾胡。

Sam