哥倫比亞做細界

猪拉多纳

06/07/2011
文： 樂比堅尼

美洲國家盃A組第二輪分組賽，東道主阿根廷迎戰哥倫比亞。阿根廷揭幕戰失利，僅能與三流球隊玻利維亞打成平手，今仗對住級數更高，擅踢穩守突擊嘅哥倫比亞，戰情隨時拉鋸，樂比仔推介1.9倍細盤。




（有線61及201台周四早上8時45分直播）




阿根廷首仗對玻利維亞，表現可用老鼠拉龜嚟形容，上半場互交白卷，換邊後初段更被玻利維亞射入一粒，幸好後備入替嘅阿古路扳平先唔使出醜，但和波已令領隊巴迪斯達承受極大壓力。




巴迪斯達接替馬納當拿擔任領隊後，雖然重召辛尼迪、甘比亞素及米列圖等穩定軍心，但隊波球星就多，分工卻極不清晰，尤其係前線「三斯」泰維斯、拿維斯及美斯各自為戰，完全冇化學作用，美斯唔知係咪踢完漫長球季出現疲態，抑或唔適應國家隊嘅踢法，表現冇晒踢巴塞時嘅神采，以阿根廷上仗嘅發揮，要攻破哥倫比亞大門可謂相當困難！


哥軍穩守突擊耍家


哥倫比亞被視為今屆美洲國家盃奇兵，陣中主力好似法卡奧、洛達列加及古亞連都係冒起緊嘅球星，雖然佢哋首仗對大部分時間十人應戰嘅哥斯達黎加表現一般，只係小勝一比○，但哥倫比亞係一支典型穩守突擊球隊，要佢哋主攻反而發揮唔到最佳水準。今仗面對奪標大熱阿根廷，哥倫比亞相信會踢番最耍家穩守突擊戰術，預計阿根廷會陷於苦戰，今場最好捧細盤！