細哨證身價撐法林明高

猪拉多纳

06/07/2011
文： 牛奶仔

聽朝巴甲有場由法林明高對聖保羅嘅大戰，未能入選巴西大軍嘅朗拿甸奴，肯定大打爭氣波，誓要帶領保持聯賽不敗身嘅法林明高開W，向文奴文尼斯示威，1.8倍主勝抵捧。（開賽時間：周四早上8:50）


聖保羅射手服役火力曳


法林明高今季踢咗7場聯賽都未輸過，當中隊長朗拿甸奴近兩仗更入咗3球，狀態大勇。事實上，細哨回流巴甲後喺州聯賽重現球王本色，目前佢更加係巴甲射手榜一哥，擺到明想博表現重返國家隊，可惜巴西主帥竟然揀艾蘭奴都唔用佢，呢位一代巨星唔嬲就假，撞啱巴西首戰悶和委內瑞拉，細哨仲唔乘機博表現，落文帥面咩？




另邊廂，聖保羅雖然開季5連勝，但最近兩場通通輸晒，夾埋仲吞足7蛋，士氣直插谷底。講真，聖保羅冇咗為國出戰美洲盃嘅首席射手盧卡斯洛迪古斯，鋒力勁跌Watt，今鋪作客如狼似虎嘅法林明高，睇怕好難反彈。