委內瑞拉守得半和冇厄秤

猪拉多纳

09/07/2011
文： 法比嘉輝

另一場B組賽事委內瑞拉對厄瓜多爾，兩軍首戰均悶和○比○，同樣有一分在手，並冇急攻需要，預期上半場都係悶戰居多，加輝建議捧半場和。（有線61及201台周日清晨5時30分直播）




委內瑞拉首戰成功守和南美班霸巴西，球員在該場比賽表現稱職，防守具效率，強如巴西都冇法破關。至於厄瓜多爾同樣具備防守力，首戰面對巴拉圭亦保持清白踢成○比○，反映出兩軍皆重視防守。


厄瓜多爾近績旺細


預期兩軍今場亦唔會輕率採取主動，大有可能先睇定局勢才出擊，估計上半場戰情會較平淡，半場和係加輝首選。投X者亦可向細盤埋手，始終今屆美洲盃大吹細風，而委、厄兩軍近期同樣旺細，委軍近五場開四場細，而厄軍就近四戰開三場細，所以細盤同樣值博。