前鋒扯火驅蜂

猪拉多纳

09/07/2011
文： 蘇豪

日職近排賽程甚密，嚟緊周中又要開快車，適逢當地七月氣溫甚高，球員體能消耗相當大，所以大家揀波時，要留意球隊嘅兵源是否充足，因為部分細球會踢來踢去都係嗰班人，就算體能幾好，副「偈」都隨時谷到爆，是日首選係川崎前鋒大，呢隊波上晒力，對住超級魚腩福岡黃蜂，有力大勝，捧「讓球主勝」！（周六晚6時開賽）




川崎前鋒季初一直表現甚佳，五月中起打出九場不敗，雖然上仗作客不敵橫濱水手一比二，不敗走勢斷纜，但水手本身都有一定實力，前鋒輸波絕對唔會影響士氣，相反今仗返到主場，對住弱隊更會加多幾錢肉緊！


柏雷素爾跌Watt撐仙台


福岡黃蜂呢隊波相信都唔使多介紹，佢哋可謂魚腩之中嘅魚腩，踢咗十四場輸咗十二場，去到上仗第十四場聯賽先開齋，但贏嘅只係尾三嘅甲府風林，今仗對住攻力強勁嘅川崎前鋒，睇怕都難逃大敗，以佢哋七場作客失十七球嘅防線，多多都有得輸！




另一場直播波柏雷素爾主場對仙台維加泰，兩隊季初表現都超出預期，柏雷素爾目前排第一，而仙台維加泰則排第三，但近期以柏雷素爾嘅跌Watt情況較嚴重，近三仗主場全敗！今仗仲要有巴西中場指揮官李安度杜明基斯坐波監，影響非常大，蘇豪決定捧受讓平半嘅仙台維加泰！（now 633及660周六晚6時直播）