上屆四強戰踢出火

猪拉多纳

10/07/2011


美、巴女足一向主導世界球壇，係現時一姐及三姐。翻查近年對賽紀錄，美國有一定優勢，過去六次對碰，連埋奧運女足，美國獲四勝一和一負，不過，偏偏輸畀巴西嗰次，就大大鑊吞四蛋，仲要係上屆女子世界盃添。




當年女子世界盃於中國舉行，兩軍喺四強對碰，賽前巴西以全勝姿態殺入四強，對住美國好似大人蝦細路。除咗多波入，兩軍仲踢得非常粗野，球證合共派咗六黃一紅，美國嘅博絲當日被趕出場，希望佢今日唔好咁鹵莽啦。