瑞典1.77倍W抵玩

猪拉多纳

10/07/2011
文： 笛子波童

女子世界盃8強頭場上演瑞典女足鬥澳洲女足，瑞典分組賽三戰全勝，去仗擊倒世界一姐美國盡顯爭標實力，相反澳洲能夠出線只因對手表現差，真正所受考驗不大，今仗硬碰硬隨時現形，主W有1.77倍好抵玩。（有線61及64台周日晚7時直播）


贏美國唔係嘢小


瑞典頭兩輪分組賽以一比○小勝哥倫比亞及北韓，演出並非太標青，估唔到最後一仗鬥實力最強嘅美國卻來個大爆發，全隊行軍迅速、攻守極具效率，能夠贏波絕非符碌。何況佢哋三場分組賽只失一球畀美國，防線演出好穩陣，呢點對於應付淘汰賽亦有好大優勢，如果可以保持去仗水準及信心，絕對係爭標一路奇兵。




澳洲上仗反勝挪威取得小組次名出線資格，表現的確抵讚，不過挪威近年已過高峰期，講實力只屬一線尾、二線頭。睇番澳洲之前一仗鬥新丁赤道畿內亞亦唔算踢得好，防線甩漏多，整體演出較瑞典遜色，難得主W目前仲有1.77倍，分頭不俗值得支持。