想同里昂友決賽碰頭

猪拉多纳

10/07/2011


瑞典分組賽三戰三勝壓倒美國首名出線，雖然前鋒舒蓮仲未開齋，但佢係球隊必然正選，有「女版伊巴謙莫域」之稱。今年廿七歲嘅舒蓮身高1米79，步大力雄衝刺力強，佢最大願望係能進身決賽硬撼法國，同一眾里昂隊友爭標。




舒蓮成名於哥登堡女足，並於○六年榮膺全國最佳球員，而佢○八年轉投法國里昂，年薪高達100萬瑞典克朗（約122萬港元）。佢喺法國撈得好掂，上陣四十三場入三十七球，係去屆里昂勇奪歐聯冠軍一大功臣。今次女子世盃佢表現唔曳，上場對美國就憑佢壓入禁區，對手迫不得已將佢撞跌，為球隊博得十二碼。