哥倫比亞1:0 2:0係玻

猪拉多纳

10/07/2011
文： 麥馬拿仁

美洲國家盃A組最後一輪賽事，玻利維亞實力曳仲有兩名主力缺陣，哥倫比亞可順利贏波。玻軍守強攻弱，毫無贏波本錢，仲有後衞利維奴及中場禾達科利斯停賽，殘陣應戰見到唔開胃。哥軍四平八穩可勝，如嫌主W得1.5倍冇肉食，可直取哥軍贏1:0、2:0波膽。 （有線61及201台周一凌晨3時直播）




美洲國家盃A組阿根廷演出曳極，目前兩戰僅得兩分，而哥倫比亞則以四分排榜首，玻利維亞一分敬陪末席。哥斯達黎加今次以Ｕ23球員為骨幹參戰，經驗與實力俱不足，但玻利維亞拍埋去一樣毫無甜頭，下半場於二人被逐下吞兩蛋，反映玻利維亞呢班波毫無競爭力可言。


玻利維亞中後場主力停賽


再者，上仗領紅嘅中堅利維奴及中場禾達科利斯屬球隊主將，今戰冇埋佢哋，玻軍防守力大大減低，連呢瓣都冇埋，再難也文也武，面對哥倫比亞只求輸少當贏。




哥倫比亞整體實力高過對手一皮，大部分主力都係喺歐洲搵食，雖然前鋒法卡奧因缺乏傳送，演出不如於波圖時搶鏡，但只要有波到佢腳或者頭，依然充滿威力，上輪鬥阿根廷就曾頂中楣，「頭槌王」果然名不虛傳。阿根廷孤注一擲，最後一戰應可殺敗哥斯達黎加，哥倫比亞如要首名出線，今場會全力以赴爭勝。佢哋首兩戰防線固若金湯一球不失，開1:0、2:0波膽機會高唱入雲。