瑞典妹強勢捉袋鼠

猪拉多纳

10/07/2011
文： 阿當K神

今晚女子世界盃8強，頭場有瑞典女足決戰澳洲女足，世界排名第5位嘅瑞典上場擊敗「一姐」美國奪得首名出線資格，士氣正盛，今仗對住實力平平嘅澳洲女足有望延續絕佳對賽往績，捧1.77倍主勝。（有線61及64周日晚7:00直播）


澳洲女足交手往績輸晒


瑞典喺最後一場分組賽以2:1擊敗世界排名第1嘅美國，領隊丹拿賽後表示球隊贏波後士氣極佳：「擊敗美國令我哋更有信心，依家要諗定點樣贏埋澳洲！」事實上，瑞典喺今屆世盃3戰全勝，雖然每場都係煲魚生粥僅贏1球，但有睇波嘅都知道佢哋全場比賽佔盡優勢，贏波非常合理。




澳洲上場僥倖反勝挪威，雖以小組次名出線，但表現欠缺說服力。澳洲雖然排世界第11，但已經係8強中最低嘅一隊，今次遇上傳統勁旅瑞典當然難被睇好，加上佢哋喺近5次交手輸咗4次未贏過，今場點捧得落呀？