希堡射手跳槽面左佐要反

猪拉多纳

11/07/2011
文： 牛奶仔

希爾星堡同佐加頓斯兩支走勢凌厲嘅球隊，今晚將會喺一星期內第2次交手，擁主場之利嘅希爾星堡有2名主力因傷缺陣，射手又話要走，睇怕難讓往績佔優嘅佐加頓斯，要2.35倍「讓球客勝」。（開賽時間：周二凌晨1:00）


佐加頓斯作客對賽不敗


希爾星堡上仗憑前鋒根特下半場嘅入波，成功作客逼和佐加頓斯繼續排榜首，並保持連續7場聯賽不敗。不過近日有傳根特隨時會加盟丹麥球隊哥本哈根，試問仲點會為希爾星堡賣命吖！而且守將柏杜倫同前鋒保奧辛亦有傷唔踢得，實力進一步受損。




佐加頓斯經過季前一輪低潮後，最近終於重拾狀態，近5場聯賽錄得4勝1和佳績，當中入11球兼只失2球，名副其實係攻守兼備。睇埋往績，佐加頓斯3次作客希爾星堡都未輸過，每場更至少攻入2球，今場夫添出戰更有保證！