智利遇世仇搏魯命搶W

猪拉多纳

12/07/2011
文： 朱楓

聽朝美洲盃C組上演最後一輪分組賽，其中智利會先鬥秘魯。雖話兩隊已經攜手出線8強，但話晒雙方係世仇，賽前智利主將維達爾話有信心捧盃，戰意明顯高過對手，1.6倍主W值得秤先！（有線61及201周三早上6:15直播）


秘魯荷西古里路獨力難支


智利同秘魯今屆美洲盃表現突出，暫時喺C組同樣有4分，由於尋日朝哥倫比亞贏波，所以佢哋已雙雙晉級8強。不過朱楓賽前查過，原來智利同秘魯因為曾發生太平洋戰爭，一向唔啱，曾被CNN稱為世上10大敵人，兩國比賽更被喻為「太平洋打吡」，試問兩隊今場又點會滿足和波？




秘魯今屆比賽前有多位主力退隊，點知前鋒荷西古里路突然大爆發連續2場入波，但其實除咗佢之外，其他球員表現只係一般。反觀首仗對墨西哥表現一般嘅「智利C朗」阿歷斯山齊士，上場對烏拉圭代替受傷嘅馬迪亞斯費南迪斯改打進攻中場有勁好表現，仲入埋波逼和烏拉圭1:1，搞到利華古遜中場維達爾勁興奮，話有信心贏今屆美洲盃，今場當然要贏波振一振聲威啦！