巴西嚟料唔厄你！

猪拉多纳

13/07/2011
文： 巨高

美洲國家盃B組賽事，奪標熱門巴西將對弱隊厄瓜多爾。巴西首兩場分組賽未上力，但絕對冇替佢哋擔心，事關呢類大賽球隊好識得玩留放，場場去盡又點埋到尾？情況就好似主辦國阿根廷咁，最後一場分組賽稍施壓力即大勝哥斯達黎加三粒兼晉級，相信巴西亦會「照辦煮碗」，以一場大勝去準備淘汰賽，料巴西會於今場重拾王者本色，「讓球主勝」可放心捧場。（有線61及201台周四早上8時45分直播）




巴西喺美洲國家盃首兩場都打和，累到熱門客輸到仆直。不過巴西喺關鍵時刻先會爆發小宇宙，今場必定畀番啲堅料大家睇。


準歐遊球員騷哥利


另方面，幾名等緊去歐洲搵食嘅球員如甘素、尼馬、盧卡斯洛迪古斯，極需要借助大型賽事去確立身價，屆時傾合約薪酬都大聲啲，故今場一定盡騷哥利。




厄瓜多爾要晉級就要贏波，今場一定唔會錫住踢，後防空位多咗，對於巴西爭取入球更加有利。