些路迪澳洲之旅 「勝利」作結

猪拉多纳

13/07/2011


蘇超勁旅些路迪繼續喺澳洲拍跳，今次會對住墨爾本勝利，大軍經過兩場熱身賽後，現時基本上已經操起狀態，射手森馬拉斯會喺第二故鄉墨爾本出戰，肯定會全力搏殺，有望助球隊再下一城。




些路迪澳洲之旅去到最後一站墨爾本，射手森馬拉斯今站成為主角，佢爸爸喺當地出世同生活多年，今次佢啲家人同親朋好友都會現身撐場，佢一定分外落力。些路迪上場以二比○輕取珀斯光輝，王牌射手加利賀柏成功開齋，大軍士氣提升唔少，預計可順利擊敗墨爾本勝利，結束澳洲之旅。