哥連泰斯旺爆追主勝

猪拉多纳

14/07/2011
文： 牛奶仔

聽朝巴甲場獨腳戲，聯賽5連勝嘅哥連泰斯會喺主場出擊，迎戰剛被打窒道氣嘅國際體育會，預料可輕鬆贏波鞏固榜首位置，要1.75倍主勝。（開賽時間：周五早上8:00）


國際體育會被打窒道氣


哥連泰斯季前雖有重金禮聘返嚟嘅阿祖安奴因傷長抖，但開季後一直順風順水，至今8場聯賽錄得7勝1和佳績，最近5場更全部贏晒兼只失1球，依家排喺聯賽榜榜首，領先第2位嘅法林明高3分兼踢少1場。軍情方面，球會日前由華斯高簽入左閘雷蒙迪摩拿斯，相信此子今場會以正選身份處子上陣，而除咗阿祖安奴外，主隊其餘球員皆可上陣。




另邊廂，國際體育會勢頭都唔錯，但上場作客慘吞華斯高2蛋，連續6場不敗走勢告終，士氣大大受挫。同時，阿根廷前鋒卡雲拿基已經轉投河床，大大削弱球隊入球能力。再睇埋對賽往績，國際體育會近2次作客哥連泰斯都吞蛋，今次遇上如日中天嘅主隊，睇怕難逃一敗啦！