哥倫比亞秘魯悶波獻細

猪拉多纳

16/07/2011
文： 法比加輝

美洲國家盃八強賽事，哥倫比亞打頭陣對秘魯。雖然哥國有超級射手法卡奧坐鎮，但球隊風格都係防守行先，分組賽就係憑滴水不漏嘅防線，三戰「零失球」晉級。至於有多名主將因傷冇參賽嘅秘魯，亦自知實力有限，都係先做好防務工作，所以兩軍喺分組賽全開入球細，預料打入淘汰賽會更為謹慎，建議再捧細盤。（有線61及201台周日凌晨３時直播）




基於「南美雙雄」阿根廷及巴西在分組賽相繼失準，所以單計分組賽，表現最好應該係兩勝一和嘅哥倫比亞。哥軍最出色之處並非箭頭法卡奧，而係坐擁穩健嘅防線，今屆三戰保持清白之身未有失波，連主辦國阿根廷都咬佢唔入，就知佢哋好嘢。


兩軍分組賽全細盤


至於以較佳成績第三名出線嘅秘魯，其實表現亦唔算太差，三場波只不過失咗兩球而已，防守力亦值得信賴，有力幫手保住細盤。




再者兩軍近績非常「恐怖」，除咗分組賽全開細之外，其實雙方近八場賽事亦係全細，而近三場對賽又係開細，如此靚績真係唔使諗咁多，入球細實屬不二之選。惟賠率分頭略欠吸引，加輝建議大家整條２串１，串埋受讓嘅瑞典女足「讓球勝」玩過關。