日本揀蟀柏雷素爾搏盡

猪拉多纳

16/07/2011
文： 九叔

國家隊領隊話明嚟睇辦揀兵喎，唔搏咪即係攞自己前途較飛？所以柏雷素爾今日作客川崎前鋒，不妨玩吓個1.78倍「讓球客勝」，事關沙哲朗尼宣布咗要重點考察客軍前鋒田中順也、後衞酒井宏樹兩個。（now633及660台周六晚6:00直播）


川崎前鋒有前冇後


日本國家隊嚟緊响8月1至3號，就會進行國內組短期集訓，沙哲朗尼講明會揀啲有潛質嘅新人，而且宣布咗會睇今日川崎對柏市、聽日鹿島對仙台兩場波，當中今日嘅重點考察對象，就係柏雷素爾個田中順也同酒井宏樹，尤其嗰件U22小國腳酒井，喺沙哲朗尼眼入面係粒明日之星，佢兩個呢場點會唔搏，冧吓佢老人家呢？




其實川崎前鋒雖然戰績唔曳，主場6戰不敗，但係呢隊波有個弱點係入波（30球）、失波（23球）一樣多，反而柏雷素爾攻守比較平衡，前鋒線入咗30球，後防只失波18球，兩支日職攻擊最強嘅球隊，真係搏起拳上嚟，川崎未必咁着數，何況佢哋仲有件後衞橫山知伸傷咗，柏雷素爾個「讓球客勝」絕對值得一博，起碼比1.59倍入球大好分些少先。