借題發揮:賀賢新季又發力

猪拉多纳

　　賀賢嘅練馬功力，唔會有人懷疑，以佢嘅瓣數、部署、用人等等，肯定唔會落後畀幾多位前列練馬師，單睇來港7個季度，當中有4季可贏馬超過30W，便知佢有幾本事。

　　如果唔係突然交惡、互不信任之類，新季賀廐仍會重用柏寶，因他倆實在夾得太耐，由04年賀賢搭柏寶在港第1W「陶醉」，迄今已合作7年。實在，對上兩季，柏寶為此廐貢獻嘅頭馬，均佔該季此廐總數量三分二，唔係好關係，邊有咁多馬贏。

　　由於目前賀廐養馬不少，至少逾50匹，籌碼不愁，已具一定兵力。加上，今季此廐明顯處於回氣期，只勝21場頭馬，直接令部分馬匹獲評分優勢，屆時該批旗下馬，要充當衝鋒角色，料不成問題，如果以多年來，此廐回氣後嗰季嘅表現，相信新季又有機會贏到30W或更多。

Jack