希爾星堡受讓碌卡爽

猪拉多纳

18/07/2011
文： ComboKing

今日波唔多，阿King重心放落瑞典超身上，卡爾馬對希爾星堡，要受讓嘅希爾星堡。雖然卡爾馬主場威力強勁，但希爾星堡狀態實在太好，連續十場保持不敗，主隊要擊敗希軍談何容易，今場一於捧下盤。（周二凌晨1時開賽）




希爾星堡對上一次輸波，已經要數五月十七日輸畀AIK蘇納，但其後愈戰愈勇，近兩個月來十場比賽六勝四和，狀態甚弗。雖然卡爾馬主場向來具威力，但要咬入希軍實在有難度，客隊受讓平半可作過關膽。




至於另一關就睇中「雙堡大戰」，特利堡對哥登堡。特利堡近八戰一勝七負，成績不堪入目，瘋狂送分畀對手。其實特利堡之所以成績大倒退，主要因為防線「豆腐」，好容易就被對手得分，睇番佢哋近七場賽事，足足失咗廿四球咁多，平均一場失三球以上，所以近七場都開大，今場一於續捧大盤。


串杜塞爾多夫贏「波」


最後一關就揀德乙賽事杜塞爾多夫對波琴，杜軍主場威力非常強勁，亦係上季德乙「主場王」，十七戰贏十三場，波琴作客難抗「地頭蟲」。而主隊今場只係小讓平半，一於捧杜塞爾多夫上盤。