曼城鬥白帽大騷哥利

猪拉多纳

18/07/2011


星期二早上十時，英超富豪球隊曼城就會與溫哥華白帽隊進行熱身賽。其實白帽今季演出甚差，連同聯賽及盃賽已經連輸五場，屬美職下游球隊。白帽狀態一般，人腳質素又同曼城差一大截，預期今仗會出現一面倒情況，曼城贏波機會高。




（周二早上10時開賽）


博表現爭正選


自三月尾美職開鑼之後，白帽只係贏過三場咁大把，實力有幾差可想而知。當然今場與曼城比賽只係表演性質，但曼城總唔會放軟手腳。其一係球員熱定身準備英超來臨，其二係曼城咁遠飛到北美大陸做宣傳，自己都唔想失威，相信今場曼城班球員都會以勝利為目標。




仲有，曼城經常有新血注入，現有球員再唔交出好表現，莫講話正選位置，後備席位都隨時保唔住。所以呢類季前熱身賽都唔可以掉以輕心，有幾多本錢即管使出，以博取領隊文仙尼好感。




白帽當然知道兩者有幾大差距，相信球員唔會對勝利太過強求。反正近期都輸慣，輸埋畀曼城都冇所謂，隨時大敗都唔出奇。