奇謀妙計：維迪奧頓格殺勿論

猪拉多纳

20/07/2011
文： 力奇

歐聯次圈外圍賽次回合今晚有兩場受注，其中比達比歷對洛辛堡大局已定，戰意難測，反而維迪奧頓對格拉茨更加有投X價值。主隊維迪奧頓係新科匈牙利聯賽冠軍，首回合落後0:2仲未輸實，今次返到主場，新帥保羅蘇沙梗想省招牌，我捧2.45倍主W。（開賽時間：周四凌晨2:30）




維迪奧頓上季首度揚威匈甲，雖則老帥美斯耶為尋求新挑戰宣布離隊，但接手嘅保羅蘇沙話晒近年都喺英冠教過波，帶過昆士柏流浪、史雲斯同李斯特城等，即使戰績唔算突出，始終經驗豐富，應該足夠應付匈甲！再者，新官上任都急住交貨，之前喺匈超盃砌低科斯克米提捧盃，依家歐聯晉唔到級都難交差。


格拉茨狀態未十足


格拉茨呢邊，奧甲冠軍實力唔會輸蝕，首回合贏2:0踢得好，但上場聯賽只係和波收場，狀態其實仲未入高峰。上次交手入波係靠匈牙利國腳沙碧斯入波，呢位前史特加前鋒未算超班，對於維迪奧頓班「匈軍」嚟講，更加冇可能唔熟路，首回合就話畀佢偷到雞入波，次回合再返到祖家搵食，邊會有運行？




首回合維客負0:2


歐聯賽制


採主客兩回合淘汰制，今輪為第二圈外圍賽次回合，若總比數相同，作客入球較多一隊晉級，再和則於次回合後加時作賽。若加時入球數字相同，客隊將憑作客入球優惠晉級，若加時沒有入球，則需互射12碼決勝。