櫻花鹿角食慣大茶飯

猪拉多纳

31/07/2011
文： 蘇豪

日職是日直播賽事由大阪櫻花主場對鹿島鹿角，櫻花雖有主將乾貴士即將離隊，但南韓球星金甫炅弗到漏油，大軍攻強守弱，近五場聯賽大晒，今場投X首選大盤！（now 633周日下午5時直播）




大阪櫻花日本國腳級中場乾貴士將轉投波琴，幸好大軍人才濟濟，南韓球星金甫炅腳風極順，近三戰入四球，踢到着晒火，將肩負進攻重責。不過櫻花後防甩漏甚多，早前對山葉輸二比三，前仗對勝利船大敗一比四，一眾守將經常夢遊球場，今次遇上鹿角難保不失。




另一邊廂鹿島鹿角近期陷入低潮，近兩場聯賽先後不敵柏雷素爾及大阪飛腳，加埋失咗六球，上場對飛腳最後十分鐘連失三球，令今季聯賽失球增至廿七球，就快追到上年全季失球數字，防線徹底崩潰。兩軍近五場聯賽同樣開出大盤，今場相信亦唔例外，入球大值得捧場。


東京綠茵主場夠惡


同日有場日乙賽事要留意，東京綠茵主場對大分三神，綠茵上場不敵FC愛媛，六場聯賽不敗走勢告終，相信只屬輕微調整。綠茵近三次主場出擊全勝兼轟入十球，表現非常突出，三神作客好曳今場無力反抗，捧主勝！


日職推介


大阪櫻花 大




名古屋鯨魚 勝

柏雷素爾 平手盤

日乙推介

札幌岡薩多 勝

東京綠茵 勝

草津溫泉 細