克羅地亞U20搵沙特祭旗

猪拉多纳

31/07/2011
文： 笛子魔童

世青盃今續演C、D組賽事，奪標熱門西班牙Ｕ20首度登場，面對哥斯達黎加Ｕ20穩袋3分，不過1.2倍客W太熱，波童另外推介克羅地亞Ｕ20於D組首戰可以殺敗沙特阿拉伯Ｕ20，1.68倍主W捧得過。（周一早上7時開賽）克羅地亞一向以來都係比較着重腳下功夫嘅歐洲球隊，呢點喺唔太講求體力化嘅青年組比賽有好大優勢，佢哋去年喺Ｕ19歐國盃打入4強，演出惹人好感。


進攻火力有保證


其中効力杜伊斯堡嘅施雲高柏米表現突出，今次更肩負起領軍重任，配合已在甲組累積一定經驗嘅前鋒卡拉馬歷及中場奧蘇比治，進攻火力有保證，要喺此組出線問題不大。




沙特阿拉伯90年代雄霸亞洲，但近年青黃不接，成績已被日本、南韓甚至伊朗等趕過，佢哋去年喺Ｕ19亞洲盃只得「梗頸四」，整體表現未見說服力，今次參賽陪跑居多，首仗撞正克羅地亞，整定佢哋唔好彩。