西班牙半場和＋細抵玩

猪拉多纳

31/07/2011
文： 自由恆

冇錯，又係半場和加入球細，呢招係今個夏天各項大型賽事嘅首輪分組賽投X法門，之前有跟的話肯定贏到開巷，喺剛開鑼嘅世青盃繼續行得通，喺首日嘅4場比賽照買的話竟然收到足，筆者決定即時變陣follow。


哥斯達黎加雙星踢過美洲盃


世青盃是日會上演C及D組賽事，如果要揀場買半場和+入球細，筆者會揀場最好分頭嘅哥斯達黎加對西班牙嘅C組比賽，冇錯「小鬥牛勇士」近年喺各級比賽都交出成績，之前仲贏埋U21歐國盃，但今次U20大軍級數明顯差一截，最似樣嘅講來講去都係皇馬棄將簡拿利斯，之前兩場熱身賽正正就係開半場和加入球細，唔怕追多次吖。




對家哥斯達黎加U20其實都幾有誠意，早前仲專登安排埋法蘭斯高卡禾同祖爾甘保兩位新秀出戰美洲國家盃，並且有上佳演出，後者更獲阿仙奴垂青，經過磨練之後再鬥番同齡對手，肯定可以大放異彩。




足球重心：哥斯達黎加U20（2.6倍半場和、2.29倍入球細）