德甲冠軍拜仁太熱睇定捧

猪拉多纳

01/08/2011


德甲將於香港時間周六凌晨開鑼，傳統班霸拜仁慕尼黑上季只得第三名，但仍被捧為今季奪標大熱，冠軍賠率只得1.42倍，隨時比一場齋W更低，建議等開咧後，睇定形勢再決定投X選擇。




基於名牌效應，拜仁冠軍賠率難免偏熱，但唔代表可以一枝獨秀，上季失準就係最佳例子，所以不妨等多一段時間，一旦拜仁狀態下滑，成績轉差令賠率上升，先至落注都未遲。至於多蒙特上季捧盃，除咗本身表現好之外，亦多得拜仁退步，今季仲會唔會出現呢種情況，令人懷疑，2.95倍亦唔值博。


史浩克30倍博大霧


如果要買定博爆冷，可考慮30倍史浩克04，球隊上季打入歐聯四強，又奪得德國盃冠軍，證明本身實力唔錯，佢哋今季唔需要應付歐聯，可專心踢好聯賽。而且教練蘭歷克上季尾臨危受命領軍，球隊演出已有進步，經過抖暑調整後，更加會脫胎換骨。