英超冠軍車仔3倍博得過

猪拉多纳

01/08/2011


足智彩公布英超冠軍賠率，衞冕球隊曼聯成為頂頭大熱，但都有2.55倍，分頭唔算太差。「紅魔鬼」今夏進行換血，老將史高斯及雲達沙收山，同時簽下艾舒利楊格及迪基亞等新兵，季前熱身賽表現對辦，不過，大軍需時磨合，季初隨時表現慢熱，不宜睇得太高。




曼聯同車路士近年發揮穩定，近七季英超冠軍非「曼」即「車」，次熱門車路士有3倍，今季球隊改由「莫連奴二世」保亞斯領軍，早前來港捧走巴克萊亞洲錦標賽，整體發揮唔錯。


夾慣夾熟實力強


「車仔」今夏人腳變動唔大，勝在夾慣夾熟，上季季尾狂追曼聯，反映大軍實力甚強，今次有新帥效應支持，有3倍分頭當然博得過！