借題發揮：薄荷糖宜增程

猪拉多纳

　　現時方廐四班陣營龐大，為數廿多駒，早前已指出像「六六駿駒」、「清風駒」，今季不無打開勝利之門的能耐。而在同一班次的「薄荷糖」，上季已獲勝，能力具一定保證。在經過暑期的進化後，進度如能進一步向上升，要征服三班邊會有阻力！

　　「薄荷糖」出道頭4仗皆入前四名，路程由田草1000至1600米。在首兩仗所負距離較遠，未能反映實力在那層次。然而，往後兩場賽事，曾力迫兩W在手的「桂花飄香」，也曾力抗「高分貝」來犯，真係少啲本事都唔得。

　　根據其血統背景，以及上季贏1600米時嘅蝕章取位，「薄荷糖」今季再大一歲，中程會是起碼路程，有機會扳至1800米或2000米，再停留喺1400米的話，好容易會出現追唔切嘅鏡頭。

Jack