睇重南球盃聯賽或留力

猪拉多纳

02/08/2011


南美洲有兩項重要錦標南美自由盃及南美球會盃，由於應屆南球盃將於8月中展開，有部分阿甲球隊為了爭標隨時會於本土聯賽留力，大家投X前要留意。


獨立隊爭盃勁跌Watt


今季阿甲一共有7支球隊參加應屆南球盃，包括沙士菲、學生隊、葛度爾古斯、拉魯斯、沙蘭迪兵工廠、小阿根廷人及獨立隊，其中獨立隊以衞冕身份直入16強，所以最快到10月才會出戰南球盃。




由於阿甲降班制度係計算近3年平均分，所以冇降班威脅、同時又無緣爭標嘅球隊便可將全副精神放在其他盃賽。獨立隊去年稱霸南球盃、卻在春季聯賽排包尾就係最佳例子。




睇番今季7支參賽球隊目前在護級積分榜上，暫以第9位嘅沙蘭迪兵工廠排名最低，但該隊距離降班區域仍有一段距離，所以投X阿甲前一定要認清楚各隊取向，以免「中計」。