流浪洛辛堡捧對家

猪拉多纳

03/08/2011
文： 麥馬拿仁

三支歐洲名牌格拉斯哥流浪、基輔戴拿模同洛辛堡，今晚歐聯外圍賽第三圈次回合為名為利肯定搏老命，因為一旦出局，就肯定失去最少1億港元獎金！歐聯係個大金礦，上述三軍目前處於出局邊緣，但拿仁恐怕佢哋有心無力，齊齊執包袱。




根據去屆歐聯獎金資料，能殺入歐聯附加賽及分組賽，已有600萬歐元；而六場分組賽出場費，又至少有330萬歐元，再加埋贏波、和波同轉播及贊助費，加加埋埋肯定超過1千萬歐元，三軍今晚若未能扭轉敗局，就要同巨額獎金講拜拜。




流浪去季重奪蘇超冠軍，但本季老牌教頭禾達史密夫已經離隊，新帥麥哥斯只係「新牌仔」，而且今夏又未有任何大名收購，故早前於歐聯第三圈外圍賽首回合，主場不敵馬模○比一，都唔算好有冷味。今晚流浪作客馬模焗攻，但主隊踢足本季瑞典超後已經上晒力，而且有一球在手下唔驚流浪來襲，今場主場受讓平半好路，細盤亦可兼顧。（周四凌晨1時開賽）


基輔焗攻吼大


另外基輔戴拿模作客東歐新興勢力魯賓卡山，首回合主場狂攻竟吞兩蛋，今場冇得守下最好揀大盤。而洛辛堡今非昔比，首回合主場鬥捷克二線隊柏辛域陀尼亞都要輸○比一，今次作客好大機會輸埋。