國民隊龜縮做細界

猪拉多纳

04/08/2011
文： 巨高

歐霸盃第三圈外圍賽次回合，瑞典赫根對葡超國民隊，次回合於瑞典哥登堡烏利維球場進行。基於首回合國民隊已領先三比○，今場作客肯定會以保守戰術為主，盡量保持領先優勢取得晉級資格，赫根就算全心搶攻亦未必「咬」得入對手。國民隊死守入波唔慌多，1.82倍細盤值得捧場。




（周五凌晨1時開賽）




國民隊來自葡萄牙馬德拉島，主場係球隊取分最大本錢，故長久以來國民隊都採取主攻客守理念，無論聯賽及歐洲賽都一樣，加上有三球優勢在手，今場更加冇必要同赫根鬥攻，全程龜縮力保優勢已可晉級。上季葡超國民隊兩個循環都可以喺「Big3」球隊士砵亭身上取得分數，就係全靠呢招龜縮大法。


赫根冇火難翻盤


赫根輸住三粒開波，取向當然有別於國民隊，今場一定豁盡進攻求追回失地，但以赫根攻力水平推斷，好難撕破國民隊防線。客隊立心死守入球應該唔會多，細盤有分頭玩得過。