班菲特未撻着揭幕戰弱細

猪拉多纳

05/08/2011
文： 九叔

阿甲春今日開打，揭幕戰由上季甲組第8位嘅班菲特，主場迎戰乙組冠軍拉費爾拿，基於阿甲開咧日傳統旺開細，呢場波唔使傷腦筋，齊玩入球細算數。（開賽時間：周六早上6:10）




雖然呢兩隊波唔同級數，但玩開阿甲嘅朋友可能會留意到，呢個聯賽首輪賽事例牌偏細，好似上季第一輪10場波，就開咗個3大7細，前季叫做好睇啲，都係得4大6細，大前季亦一樣開咗6場細，開細比率高達6成，顯然阿甲球隊季初普遍患有腳軟症，唔識入波。


拉費爾拿唔識入波


外號「堡壘」嘅班菲特，買咗9個新兵，賣走10個舊將，差唔多連後備換咗一半人，默契建立需時，點知教練S文迪斯呢幾日仲响度三心兩意，定唔到用馬些路昆特路斯定艾祖卡奴攻堅，約拿芬高美斯又唔鍾意轉踢右中場，同教頭互相指摘，呢隊波想頭威頭勢大勝開胡好難。




升班球隊拉費爾拿資源有限，冇咁多排陣苦惱，但教練杜列特最頭痛係攻擊力不足嘅問題，佢哋踢咗4場熱身賽只入1粒，達里奧簡甸、費迪歷高干沙利斯只識喺內部分隊賽入波，簡直就係一對紙板前鋒，嚇都嚇唔到人。兩隊咁嘅波交手，唔買細買乜？