里爾新鋒線侵略性依然

猪拉多纳

06/08/2011
文： 笛子魔童

新一季法甲今晚開鑼，去季前四名球隊分途出擊，其中今季大肆擴軍嘅巴黎聖日耳門主場迎戰羅連安特。講陣容班底及球員質素，聖日耳門無疑遠勝對手，而且羅連安特上季首席前鋒加美路已轉投聖日耳門，此消彼長之下，聖日耳門贏波機會的確高唱入雲，不過目前主W僅得1.38倍唔多抵玩，主隊喺壓力下可唔可以發揮正常水準又係一個問號，想捧「讓球主勝」又嫌風險太高，故建議小注或用作過關變倍器更佳。


南錫力弱唔夠砌


首輪直播賽事有衞冕球隊里爾作客鬥南錫，里爾今季前線放走了謝雲奴、法奧等前鋒，不過從早前法冠盃對馬賽所見，由蘇維、夏薩特及新兵皮耶組成嘅鋒線依然極具侵略性，唯一隱憂係冇咗阿爾拉米嘅防線出現不穩，但南錫兵力根本唔可以同馬賽相提並論，今仗主場都難起作用，以里爾人腳應可應付自如，客Ｗ有2倍相當值博。




（now 634及now 714周日凌晨3時直播）