季初波 意外多！

猪拉多纳

07/08/2011
文： 黃興桂

常言道，六窮七絕度日難！多得夏日足球，Peter今個暑假仲忙過平時，除咗重掌地區球會荃灣帥印外，早前要為電視台評述精彩萬分嘅女子世界盃，之後又要殺入香港大球場，現場直擊巴克萊亞洲錦標賽，與英超三雄作近距離接觸，縱然冇刻意安排活動，但依然過得十分充實。


搵啱教頭 拜仁值博


今季能夠繼續在《東方波經》與各位球迷交流心得，Peter極度高興，以往我會為讀者們作出一些投X推介，但今季形式稍作改變，Peter直情同球迷作出「體育全分享」，所有接觸到嘅體壇逸事，都會講畀你哋知，總之就包羅萬有，希望讀者們睇完，都有所得益。




今晚最矚目嘅賽事，莫過於英格蘭社區盾曼城對曼聯，但今場「曼市大戰」真係好睇唔好賭，建議大家都係一心睇波算數。其實季初波，意外多！好多球隊都會有「季初病」，未必能夠踢出正常水準，所以應該睇定形勢先出擊。值得一提，今場社區盾由早前來過香港執法嘅杜特作主裁判，佢嘅水準OK，應可幫助今仗成為一場精彩賽事。




至於足球菠菜方面，Peter今日就睇好拜仁慕尼黑可勝慕遜加柏，主隊肯炒教練尹戈爾係明智之舉，我亦對今季上任嘅軒歷基斯有信心，佢係實幹型統帥，唔算星級但非常實際，相信拜仁今季至少可以重奪一至兩項錦標。