法蘭克福平嘢冇好

猪拉多纳

07/08/2011
文： SAMVO

今日全世界焦點集中喺社區盾，曼市打吡假倫敦溫布萊上演備受矚目，曼聯現時要讓平半，兩隊各有捧場客，曼城瘋狂擴軍後，依家實力拍得住曼聯，肥叔認為呢場只係五五波，「紅魔鬼」讓波唔抵玩，兩班波季初都弗，捧大好過。




季初有好多不明朗因素，大戶抱觀望態度，大家都係小注怡情。今日重點場次係德乙賽事，升班馬布倫瑞克主場對降班球隊法蘭克福，法蘭克福睇落高啲，但呢班波人腳麻麻，唔好睇得太高。莊家開平手盤，只因法軍名氣大，捧布倫瑞克。（周日晚7時30分開賽）


洛辛堡飛數硬淨


同日挪超賽事洛辛堡主場對莫迪，洛辛堡於歐洲賽出局，疊埋心水爭聯賽，呢隊波喺挪超始終有級數，今次硬撼「一哥」莫迪都要讓半球，盤口非常硬淨，呢隻上盤可留意。




今日仲有場瑞典超賽事值得留意，希爾星堡作客西里安斯卡，捧客隊！希爾星堡要兼顧歐霸盃，唔少球迷擔心佢哋搏殘，不過呢班波好識留放，歐霸盃首回合作客唔去，留番主場先打真軍，結果順利大勝賓尼耶赫達晉級。希爾星堡現時喺瑞典超領放，幕後人擺明車馬要爭冠軍，今次面對弱旅讓到半一係辣咗啲，勝在夠穩陣，照捧上盤。


肥叔心水


布倫瑞克 平手盤




韋斯咸 上盤

曼城 大盤

希爾星堡 上盤

慕遜加柏 下盤

洛辛堡 上盤