波爾多星散冇得伊

猪拉多纳

07/08/2011
文： 笛子波童

今周法甲壓軸戲由波爾多主場鬥聖伊天，波爾多近年不斷流失主力球員，實力早已今非昔比，聖伊天今季雖亦放走皮耶、馬度迪等猛將，但新加盟嘅龐高尼、馬白蘭基全部實而不華，戰鬥力未見太大退步，今場捧「讓球客勝」。（now 634周一凌晨3時直播）


聖伊天掃啱貨


波爾多新帥基洛特上季帶領中型班索察取得歐霸盃參賽資格，領軍功力唔使懷疑，不過今季想幫波爾多重振雄風卻唔容易，事關自從波爾多贏得○九年聯賽冠軍，查馬克、哥古夫、迪亞華等功臣已先後離隊，球會近年又唔肯畀錢買人，今夏只係免費簽入梅里斯比尼及尼古莫兩名質素平平球員，整體實力已大不如前。




聖伊天季前雖亦放走前鋒皮耶、利維亞尼及中場馬度迪等主力，不過同時補入前利物浦射手龐高尼、新特蘭中場馬白蘭基及AC米蘭借將奧巴美揚，經驗與活力兼備，就算未能爭標，保住中上游位置問題應該不大，作客有得受讓，絕對係捧場好時機。