維迪斯野心大張「牙」舞爪

猪拉多纳

07/08/2011
文： 翁文成



海牙Vs維迪斯


荷甲今晚連場激戰，其中海牙會喺主場恭候維迪斯。齋睇上季排名，相信唔少人都睇好上季攞第7嘅海牙，但查實自從格魯吉亞富商佐丹尼亞入主維迪斯之後，呢班波嘅戰鬥力已經大幅提升，呢場波阿成捧1.9倍「讓客」。（開賽時間：周日晚8:30）




佐丹尼亞上年10月入主後，即刻幫維迪斯清晒筆債務，今夏先搵嚟新帥雲丹邦掌舵，再簽入前飛燕諾中場歷奇賀夫斯，最近仲準備出動1,200萬歐元收購阿積士攻擊中場艾沙迪，足證呢班波幾咁有野心。


海牙射手離隊死火


睇番季前熱身賽戰績，維迪斯4場贏晒總共轟入17球，都咪話唔猛料。反觀主隊海牙有上季攻入21球嘅射手布利堅離隊，鋒力大為削弱，亦係佢哋喺歐霸盃第3圈外圍賽晨早出局嘅主因。仲有個數據畀大家參考，海牙對上6次主場鬥維迪斯都係單跳咁贏，上季主場贏咗，今鋪捉攤路、計埋人腳兼近況都似乎冇運行喎！