熱身賽對辦波爾多有爭「聖」本錢

猪拉多纳

07/08/2011
文： 自由恆

有別於歐洲其他聯賽，法甲冇一隊明顯嘅班霸，並連續3季冇球隊冧莊，即使喺里昂7連霸期間，二、三位球隊都係年年新鮮，所以筆者唔相信巴黎聖日耳門大舉增兵之後就可以玩晒，亦唔信08/09年度冠軍波爾多係冇機會再奪冠，足智彩冠軍賠率冷到35倍真係有多少匪夷所思。


聖伊天陣容變化大


繼上季放走哥古夫之後，今季波爾多再冇埋隊長迪亞華，係就係冇乜星味，但睇熱身賽表現仍然對辦，近6場熱身賽贏5仗，唔似會變成一隊中下游球隊，今晚迎戰聖伊天仍然有贏面。




對家聖伊天雖然獲得喺英超打滾多年嘅馬白蘭基加盟，星味好似有所提升，但上季表現出色嘅皮耶就過檔里爾，陣容變化頗大，絕對需要時間適應。（now634台周一凌晨3:00直播）