列斯聯大騷補鑊

猪拉多纳

09/08/2011
文： 麥馬拿仁

今晚英聯盃第一圈直播場次，列斯聯主場對乙組仔巴拉福特。列斯高對手兩個級別實力贏成條街，開咧戰輸波領隊格雷臣躁爆，今仗仲係西約克郡打吡戰，列斯戰意有保證。主W冇肉食，睇到兩軍攻強守弱，捧1.68倍大更佳。




（now 638周三凌晨2時45分直播）


打吡戰喪攻巴拉福特


列斯季前曾三比二擊敗紐卡素，但聯賽開咧作客修咸頓竟輸一比三，仲要畀對手技術性擊倒，賽後主帥格雷臣喪插球員冇heart，完全唔聽佢支笛踢好賽前部署，今仗定必有較佳演出。咁啱今戰係打吡戰，格帥更加唔衰得，必出強陣應付死敵，唔使驚佢哋揸流攤。雙方後防都唔穩陣，飛沙劈石下入波必多，與其博列斯聯贏兩粒，不如捧大盤仲穩陣。




英格蘭聯賽盃向來只屬雞肋，贏咗唔算威水，實際獎金又唔高，但就屬小球會最佳表演舞台，希望晉級撞着隊勁旅增加票房收入，球員亦想博出位搵主好人家，自然分外搏命。


史提芬納治巨人殺手


英甲大軍史提芬納治於英聯盃首圈主場迎戰英冠球隊彼德堡，史提芬納治驟眼睇只屬二打六，但並非冇料到，球隊上年曾於英足盃踢走名牌紐卡素，上演主場浸蛟龍經典一幕。如今史提芬納治已殺上英甲，今次越級挑戰彼德堡，相信一眾將士亦想重溫爆冷好夢，主場受讓抵玩，要「讓球主勝」。（周三凌晨2時45分開賽）