華斯高有P祖信心爆彭

猪拉多纳

11/08/2011
文： 蘇豪

正所謂家有一老、如有一寶，老將雖然跑得慢、唔夠快、冇速度，但始終都有存在價值，瑞典名將軒歷拿臣收山後踢慈善賽仍然健步如飛，用腦袋踢波作用猶勝當今球壇唔少後生仔，不得不寫個服字！




聽朝南美球會盃華斯高主場對彭美拉斯，巴西罰球王祖連奴比南布肯奴今季重返華斯高，球隊即時升呢，單論扭技同分波，此子未算頂級，但講到處理罰球威力，碧咸分分鐘都要靠邊站。




P祖現年三十有六，未必會場場正選，不過呢類頂級死球專家只需一個機會，已可改變戰局，彭美拉斯就算點小心防避都總會犯規輸罰球，到時P祖又會搽定chalk粉起cue，主勝咪錯過！（周五早上8時50分開賽）