黑池新兵博上位抵錫

猪拉多纳

11/08/2011
文： 牛奶仔

今晚英聯盃上演獨腳戲，由兩支分別喺聯賽首輪旗開得勝嘅錫周三同黑池硬撼。今季跌落英冠嘅黑池有2名新兵亮相，作客低一班嘅錫周三至少能保不敗，捧1.57倍「讓客」。（now638台周五凌晨2:45直播）


錫周三火力疲弱


黑池由英超降班後先後有查理阿當、禾漢同杜迪利甘保離隊他投，但佢哋上場開咧戰作客侯城，仍能憑泰萊費查一箭定江山贏波，於新季取得好開始，而頂替隊長查理阿當嘅巴利費格該役亦有出色表現，預料今場續披正選。更重要係黑池管理層並唔甘心留喺英冠，近日便從利物浦收購年輕中場湯恩斯，以及簽入前查爾頓後衞利拿加強實力，二人今仗處子登場，肯定希望博表現爭取正選位置。




自前季降落英甲後一沉不起嘅錫周三，今季總算有個好開始，首輪比賽成功打響頭炮，可惜今仗有翼鋒謝明莊臣因傷未能候命，攻力大為削弱。最慘係上季首、次席射手美羅及湯美米拿今夏離隊後，會方又冇羅致番個有質素嘅攻擊球員，睇怕今仗都幾難撕破黑池穩健嘅防線！