布拉加牛氣沖天

猪拉多纳

13/08/2011


本周英超開鑼，但歐洲早飛市場交投唔算活躍，可能受英國倫敦騷亂影響，部分投X者抱觀望態度，唔敢貿貿然入市，所以英超早飛賠率變動唔大，反而同樣係本周開鑼嘅葡超卻受到大戶關注，馬會編號（六）65布拉加客Ｗ受追捧，環球及本地市場都有強勁飛數支持。（周日凌晨1時開賽）




先講外地情況，英國大莊BET365初盤客Ｗ高開2.5倍，立即被大戶狙擊，由2.5倍跌至周五晚2.3倍，另外奧地利菠菜公司Bet-at-home賠率轉變幅度更大，由2.5倍跌至2.2倍，目前歐洲平均賠率為2.35倍。


2.05倍熱爆大市


值得留意係馬會周四晚開出嘅參考賠率，客Ｗ竟係全球最低嘅2.05倍，同歐洲市場相距甚遠，可見對布拉加信心十足，雖然布拉加近四次作客里奧艾維都未能勝出，但市場預期布拉加今季換新教練後會有一番新景象，加上主隊熱身賽戰績令人失望，八戰僅得一勝，相信係大戶睇好布拉加嘅原因！