羅連安特讓波使乜驚

猪拉多纳

13/08/2011


博弈論入面其中一個概念叫做「零和博弈」，參與博弈各方面的收益和損失總和永遠為「零」，雙方不存在合作嘅可能，即是話一方嘅收益必然意味另一方嘅損失，亦可以話自己嘅快樂建築喺對方嘅痛苦上，「零和博弈」嘅例子包括賭博、期貨同股票投機等等。




喺波盤範疇上，球迷同莊家冇合作可言，如何獲得最大利益，就要從莊家不同盤口配合投X策略。




舉個例子今日一場法甲羅連安特主場對波爾多，莊家開晒「讓球」及「讓球主客和」，分別係羅連安特讓平半及「羅讓一球」，如果喜歡羅連安特嘅，當然買「讓球」好過「主客和」，即使和波只係輸一半。但如果揀波爾多，「讓球客勝」雖然賠率較低，但和波亦可以收足，亦比「讓球」收一半多。


贏億萬大軍添信心


羅連安特法甲首輪擊敗億萬大軍巴黎聖日耳門，球隊信心大增，而且球隊主場搶分成功率高，今場可睇高一線，要羅連安特上盤。