科特布斯散熱又嚟料

猪拉多纳

13/08/2011


唔少歐洲主流賽事已經展開，球迷視線好自然會轉到大隊身上，次級聯賽難免會被忽略。但正所謂大樹好遮蔭，被忽略聯賽現成蠱惑波溫床，其中德乙亞琛主場對科特布斯就係最佳例子。




科特布斯近兩仗表現衰到貼地，連同盃賽及聯賽狂吞八蛋，但相信吞蛋劣績只不過係假象，今場受讓平半相當着數，下盤一定要捧。（周六晚7時開賽）




科特布斯於頭兩場德乙交出好成績，梗係畀班球迷捧到上天。但科特布斯管理層可能對於讚美聲音唔多鍾意，一來球員會輕敵，二來往後日子換唔到好賠率，為咗淡化外間對球隊好感，近兩場即時採取退熱工作，德盃先輸畀基爾三粒，剛戰對1860慕尼黑再輸五粒。


亞琛積弱讓唔起


科特布斯連輸兩場大大鑊後，搞到亞琛都要向佢哋讓波，亦可見科特布斯退熱工作做得極之成功。查實亞琛今季弱過藥煲，就算踢熱身賽都冇料到，退熱後嘅科特布斯只要踢番正常水準，作客一樣有好大機會攞分。