聖日耳門未夠鐘反彈

猪拉多纳

13/08/2011
文： 笛子魔童

巴黎聖日耳門上仗主場倒灶不敵羅連安特，今周作客雷恩想反彈唔容易，事關佢哋過去5季作客雷恩竟錄得全敗劣績，雷恩近期演出亦着晒火，平手盤支持主隊雷恩。（now 634周日凌晨1時直播）




聖日耳門有中東財團入主，今季買咗唔少新球員，不過同要面對以往唔少富豪球會嘅問題，一眾球星各自為戰，踢落完全冇隊形，上仗對住羅連安特攻足大半場都未能收復失地，明顯仲未搵到最佳陣式。新加盟嘅阿根廷國腳柏斯托尼因狀態不足，今仗亦唔會上陣，唔好期望有新刺激。


雷恩3連勝弗爆


聖日耳門想贏波仲要克服心理關口，因為佢哋過去9次面對雷恩從未贏過，如果單計作客更加5連敗。雷恩為應付歐霸盃外圍賽比對手早開操，首輪聯賽作客大勝升班馬迪安，連歐霸盃在內已連贏3場兼攻入12球，狀態已經上晒力，主場唔使讓波實在好抵玩。