曼聯大起西布朗

猪拉多纳

14/08/2011


上季冠軍出擊！曼聯今晚作客西布朗，樂比仔睇唔出任何爆冷機會，不過客W得1.46倍唔夠吸引，以「紅魔鬼」進取作風，不妨敲大盤，因為西布朗有入球能力，而且曼聯門將迪基亞亦有失波危機！




（有線200及300台周日晚11時直播）


季前賽狂轟29球


好多人擔心曼聯三大長老雲達沙、加利尼維利及史高斯退役，奧沙同布朗兩名老臣子離隊，曼聯會否青黃不接或進入斷層？但相信經過熱身賽及社區盾後，各位疑慮已一掃而空，呢班以基斯史摩寧、達施華兄弟、湯卡華利及韋碧克為重心嘅23歲以下小虎隊唔單止厲害，英國球評甚至認為比當年「七小福」有過之而無不及！




唔好忘記朗尼、拿尼、尼曼查維迪及艾舒利楊格等主力正值當打之年，今季嘅曼聯唔單止維持上季水準，而且比以往更有活力及飢渴感，當踢順風波嘅時候，絕對係更可怕！從熱身賽至社區盾7戰全勝入29球，已證明曼聯真係弗到「冇朋友」。


鶴臣逼紅魔晒冷


西布朗上季季中由鶴臣執教後，即刻畀人脫胎換骨嘅感覺，薑始終係愈老愈辣，鶴臣教唔掂大球會，但教中型班卻綽綽有餘，由於西布朗上季兩戰曼聯都逼到「紅魔」出真功夫，分別打和2比2及僅輸1比2，所以今場揀大盤絕對係更佳選擇！