甘美奧換帥開富

猪拉多纳

14/08/2011
文： 路西法

對球會管理層來講，換教練可能係令球隊表現由差轉好嘅其中一個辦法，以巴甲為例，開咧至今三個月，已有十一名教練下台，相信不少巴甲球會亦相信此道，但換教頭能否令球隊表現立即反彈，相信亦要配合其他因素。甘美奧最近都曾經換過教頭，今周主場迎戰正處「內憂外患」嘅富明尼斯，相信甘美奧今仗能夠有新帥效應，贏番場。（周一早上5時30分開賽）


費特有離心損士氣


富明尼斯今季作客表現明顯走樣，多番失分係球隊現時位列聯賽中游最大原因，另一方面，前線主力費特至今仍未回復比賽信心，兼且近日又被球迷騷擾影響正常生活，令佢開始萌生去意。除前線外，後衞甘姆上仗領紅今仗要停賽，亦令富隊防線實力減弱。




甘美奧方面，前教練甘馬高離隊後，迅即由曾執教多支名牌球隊嘅古卡上任，須知就算古卡經驗十足，去到新球會亦要時間去認識球員，所以雖然首仗並未能帶領球隊爭勝，但能成功喺前列球隊身上搶分，已算不俗。今次甘美奧主場出擊，而且對手作客失準兼陣容不整，相信係古卡取得領軍後首勝嘅好時機。