哥連搶2.05倍「W」

猪拉多纳

14/08/2011
文： 洪心Dee

哥連泰斯近兩場聯賽作客都和波而回，今次返主場迎戰中游分子施亞拉，當然要把握機會全取3分。仲帶緊頭嘅哥連泰斯，之前曾領先次席嘅法林明高7分之多，可惜依家被追至同分，爭標優勢蕩然無存，今場一於趁對手防守力麻麻，大炒一場，振奮士氣兼鞏固領先優勢，要開2.05倍「讓球主勝」冇問題！（開賽時間：周一凌晨3:00）


施亞拉防線曳3戰失8球


哥連泰斯主場成績彪炳，近7場主場聯賽取得6勝1負佳績，每逢喺地頭出戰都特別醒神。佢哋今場有多名主力回歸，好似中場拉夫迪蘇沙、門將祖利奧施薩都會復出，值得高興嘅係教練迪迪仲宣布咗個好消息，王牌前鋒列特臣嘅膝傷已經好番，今場有望落場搏殺。人腳完整晒，哥連泰斯有力做場好戲畀主場球迷睇。




相反施亞拉近期作客表現唔掂，7場作客聯賽只贏過1場，佢哋為人詬病嘅係豆腐防線，近3場聯賽勁失8球但顆粒無收，攻守疲弱，睇怕都要大敗一場。