借題發揮:高一線唞完特別勁

猪拉多纳

　　「高一線」上季可說傷盡不少捧場客個心，跑至季內第2仗就贏，係就係贏得險，但締速勁，對手又唔差，包括「生生不息」之輩，點會估到之後跑多10場，竟然唔能夠贏多1場，入到三甲亦只得兩場。

　　筆者唔會話完全關上手馬房運數問題，因廐內「熊英雄」3W，又唔見有咩影響！有可能隻馬利於休後嗰三幾場，亦有可能真係好需要賽事形勢幫手，先至發揮到佢嗰段爆發力。

　　上述兩個可能性未必一定啱晒，但唔應該會錯晒，如果此駒真係儲儲埋埋會跑得好，咁就要小心高伯新嘅部署，未必會安排幾場求熱身，可能會「捕」季初階段頭嗰一兩場嘅田草1400米。

　　至於評分方面，目前「高一線」73分幾乎與上季初無異，完全冇壓力吧！

Jack