洪禮賢講馬:慢吞吞一樣唔簡單

猪拉多纳

　　人有強弱，十隻手指有長短，此乃透過比較去知悉實情。之但係，對與錯、真和偽，未必完全喺比較之後可認清。如每件事情係1+1=2，簡簡單單計算得到的話，世事真美好，錯亂一定冇。

　　又係嗰句，世事不只對與錯，太多灰色地帶，原定嘅規則、想法錯唔晒，但新嘅又未必唔啱。

　　正如賽駒落場跑，強組賽事出嚟嘅，係咪特別馨香？時間慢嘅，係咪就冇得贏？對唔住，呢套唔係幾work，正確應該講成：「應該係，除非唔係！」睇番上季有匹馬叫「星運俊爵」，上季3歲咋，已攞兩W。就咁睇上季成績表，一定唔會叫做唔好囉。但睇佢四班兩勝締速，直路賽開齋嗰場，係上季44場之中第二慢（僅比五班「金巴利來」快0.04秒）。以為時間唔靚，一招了嗎 ？！ 隔咗1場又贏嘞，服未！喺田草1200米造出上季第四慢時間，而之後上三班跑兩場，一一上名，咪理輸幾遠，總之喺三班攞到P。寫到呢度突然間諗到嘞！呢匹慢吞吞冠軍唔通係大智若愚？！

洪禮賢