史雲斯豪言當英超巴塞

猪拉多纳

15/08/2011


史雲斯首次升上英超角逐，好多人都唔知佢哋係乜料，原來領隊羅渣士上年夏天差啲去咗曼城做助教，陣中主力史葛冼佳亞就係車仔棄將，佢話球隊今季會大踢進攻足球，配合新加盟嘅上季英冠神射手丹尼格拉咸，誓要成為「英超巴塞隆拿」。


領隊羅渣士畀曼城叮過


史雲斯史上首場英超對手係曼城，原來曼城去年夏天曾經有意邀請羅渣士出任文仙尼副手，羅渣士仲親身去咗曼城參觀球會設施，可惜文仙尼最終揀咗柏列，羅渣士對此唔感到可惜：「曼城係間大球會，不過教史雲斯令我滿足感更大。」




曼城方面，領隊文仙尼已褫奪泰維斯隊長職務，極受隊友愛戴的中堅高柏尼將成為新任隊長。